Biznesi: Amnistia fiskale, te zbatohet dhe per vitet 2011-2012 Eglantina Nasi

Ashtu sic ka bere edhe tre muaj me pare, komuniteti i biznesit ka kerkuar dje serish nga klasa politike ne vend qe ta ndihmoje mbi zbutjen e efekteve te krizes ekonomike globale. Ka qene vete kreu i Dhomes se Tregtise dhe Industrise se Tiranes, Nikolin Jaka, i cili gjate nje deklarate publike ka bere me dije kerkesen e aplikimit te amnistise fiskale, edhe pergjate viteve 2011 dhe 2012. “Kerkojme te aplikohet fuqia vepruese e ligjit per “Legalizimin e kapitalit, dhe faljen e nje pjese te borxhit tatimor dhe doganor” per vitin ushtrimor 2011, 2012, duke perfshire ne kete nderhyrje ligjore propozimet e Dhomes se Tregtise dhe Industrise dhe shoqatave te biznesit”,- saktesoi ai lidhur me kete argument. Duke shtuar se ne fakt, pritshmerite rreth aplikimit te ketij ligji, nuk kane qene ato te duhurat dhe efikase per biznesin qe operon ne vend. Ne kete aspekt, perfaqesuesi i komunitetit te biznesit ne vend, ka theksuar se duhet ndalur vendosja e gjobave dhe arbitrariteti i sistemit fiskal ndaj ketij te fundit. Duke rekomanduar sakaq, qe 30% e fondeve te mbledhura nga ky proces, te perdoren si garant per kredidhenie me tarifa te reduktuara per sipermarrjen shqiptare. “Tatimpaguesit te cilet per periudhat tatimore deri me 31.12.2010 kane deklaruar shumen e detyrimit tatimor me te vogel se detyrimin real, kane te drejte qe brenda periudhes se ketij ligji te vetedeklarojne detyrimet tatimore. Dhe tarifa qe aplikohet ne keto raste do te jete 30% e detyrimit duke falur pjesen tjeter te detyrimit, gjobat dhe kamatevonesat”, eshte njeri prej propozimeve te biznesit. Nga ana tjeter, Dhoma e Tregtise dhe Industrise, publikoi edhe kerkesen per miratimin apo zbatimin me procedura te pershpejtuara te dy nderhyrjeve ligjore konkrete, te cilat, sipas kreut te saj, do t’i jepnin nje frymemarrje ekonomise shqiptare dhe biznesit ne teresi. “Komuniteti i biznesit, kerkon nderhyrjen me akte ligjore qe mundesojne kompensimin ose pezullimin e afateve te pagesave per detyrimet tatimore si Tatimin mbi Vleren e Shtuar, dhe Tatim-Fitimin, ne favor te te gjitha kompanive private. Kur shuma e detyrimit qe sistemi i buxhetit te shteti u ka ketyre kompanive, eshte me e madhe se shuma e detyrimeve tatimore qe keto kompani kane per te shlyer”, tha Jaka lidhur me nje fakt te tille. Duke sqaruar me tej me detaje, se jane rreth 660 kompani qe operojne ne sektorin e sherbimeve dhe qe po preken nga kjo dukuri. Te cilat kryejne sherbimet e tyre dhe ne fund te cdo muaji jane te detyruara te presin faturen, pavaresisht se nuk jane paguar per to.

Kerkesa e hershme e biznesit: Te perfshihemi ne programet elektorale

Vetem tre muaj me pare, Dhoma e Tregtise dhe Industrise, doli publikisht me kerkesen e biznesit per t’u perfshire ne programet elektorale, si edhe marrjen ne konsiderate te pretendimeve te tij. Konkretisht, ai kerkoi marrjen e masave te tilla lehtesuese si perjashtimin e sipermarrjeve te reja nga tatim-fitimi per tre vjet, apo edhe nga dividendi po per te njejten periudhe. Apo edhe kerkesen themelore per shlyerjen e detyrimeve te prapambetura qe organet qeveritare u kane bizneseve private ne rang vendi. Sikunder, edhe me rimbursimin e Tatimit mbi Vleren e Shtuar brenda nje afati prej 3 muajsh. Por ne te njejten kohe, edhe uljen e barrierave per te rritur eksportet “Made In Albania” etj. Duke arritur deri edhe tek kerkesa per heqjen e TVSH-se per bileta dhe abone, si edhe heqja e akcizes se naftes etj.