Blendi Klosi fiton bastin, tre vite pas grevës së urisë heq mjekrën në Shijak

Shijak- Deputeti i Partisë Socialiste, Blendi Klosi, duket se e ka fituar bastin e vënë me veten tre vite më parë ku gjatë grevës së urisë së PS-së, u shpreh se nuk do ta rruajë mjekrën deri në momentin që do të vihet drejtësi.

Sot, nëpërmjet një shkrimi në rrjetin social Facebook, ai shprehet se pas fitores e ka hequr dje mjekrën në një berberhane në Shijak.

Mbas plot 1000 ditësh dje në Shijak, vendosa të heq mjekrën. Një simbol të grevës madhështore të urisë. E mbajta plot tre vjet për tu kujtuar se kishim një mision për të përmbushur sa herë çohesha në mëngjes dhe flija në darkë. Nuk e harrojmë kurrë grevën, por sot falenderoj pafundësisht, këdo që kontriboi së bashku me Partinë Socialiste në këto 8 vjet opozitë. Ju faleminderit miq,- shkruan Klosi në Facebook.

Greva e urisë u mbajt pas zgjedhjeve të 2009-ës, ku socialistët akuzonin qeverinë për manipulim të votave. Kjo bëri që ata të ngrinin çadra para Kryeministrisë dhe qëndruan pa ngrënë për disa ditë.

Blendi Klosi heq mjekrën