"Bllokimi i akseve rrugore, tani dhe disa dite"

Deputeti i Partise Socialiste, Fidel Ylli, deklaroi dje se akset do te bllokohen ne ditet ne vazhdim edhe me dite te tera. Ne nje komunikim per mediat, ai tha se opozita nuk do te ndalet se luftuari, deri ne fund te transparences se zgjedhjeve dhe paralajmeroi pershkallezimin e metejshem te protestave. "Nuk lodhemi nga kauza, do ta cojme deri ne fund me metoda demokratike pa dhune. Nese dje kemi bllokuar akset nacionale per 30 minuta, ne ditet ne vazhdim do te bllokojme akset per 2 ore, 4 ore deri dhe me dite te tera, per t'i treguar pushtetit qe duhet te ulet me opoziten, pasi kjo qeveri do te jete pergjegjese per pengimin e integrimit", u shpreh Ylli. Sipas tij, nuk eshte opozita qe po pengon integrimin por qeveria. Per sa i perket rruges se ndjekur nga socialistet me skemen e bllokimit te akseve rrugore, nje deputet socialist reagoi ndaj perplasjeve midis policise dhe protestuesve, duke thene se gjuha e komunikimit per dialog dhe oferta eshte shnderruar ne gjuhe dhune, mes protestuesve paqesore dhe policise. Deputeti i Qarkut te Beratit tha se nuk do t'i lejojne me asnje ore njerezit neper birucat e policise. Per sa i perket negociatave te Presidentit Topi ne zgjidhjen e krizes, ai ironizoi rolin e kreut te larte te shtetit. "Do te doja ta linim rehat Presidentin e Republikes pasi duke filluar nga sot, kur eshte finalja e Evropa Ligue dhe deri ne fundjave eshte nje jave shume e ngarkuar sportive dhe Presidenti duhet te jete i ngarkuar maksimalisht", deklaroi Brace.