LSI: Rama te mos rrezikoje jeten e grevisteve, por t'i kthehet dialogut
Levizja Socialiste per Integrim apeloi dje ndaj kryetarit te Partise Socialiste, Edi Rama, qe te mos rrezikoje me tej jeten e grevisteve dhe t'i kthehet dialogut politik. Ne nje komunikim per mediat sekretari i Pergjithshem i LSI, Luan Rama, shprehu shqetesimin per faktin qe nuk po gjendet vullneti per te ulur palet ne dialogun politik dhe per te shkuar drejt nje zgjidhjeje qe te shpreh ne thelb, jo vetem angazhimin atdhetar dhe padyshim edhe dimensionin qytetar te forcave politike ne vend, por te shpreh gjithashtu edhe faktin qe forcat politike, dine te tejkalojne interesat parciale ne te mire te interesave te vendit. Sipas tij, eshte koha per te mos vazhduar me tej me retorike dhe as me gjuhen e presioneve apo te ultimatumeve, por eshte koha per te gjetur ate zgjidhje qe presin te gjithe qytetaret e vendit. "Shprehja e qarte e Fule per zgjidhjen e situates ne funksion te Kushtetutes, institucioneve, apo gjykatave, nuk parashikon zgjidhjen e rruges, zgjidhjen permes imponimit. Nuk ka asnje shqiptar, me sado pak vetedije qytetare dhe atdhetare te mos kuptoje domosdoshmerine dhe rendesine qe merr ne kete moment zgjidhja permes dialogut politik", deklaroi Rama. Ai shprehu keqardhje dhe dhimbje njerezore per sakrificen sublime qe bejne deputetet e Partise Socialiste dhe simpatizantet e tyre, por nderkaq, e ftoi lidershipin e PS-se te kuptoje domosdoshmerine e veprimit politik edhe per te parandaluar rrezikimin e metejshem te jetes se grevisteve. Sipas tij, kauza e perbashket, pavaresisht nga perkatesite partiake, eshte Shqiperia evropiane. "Kauza e perbashket eshte t'ju sherbejme interesave te vendit dhe ne kete kontekst, me pergjegjesi eshte koha tu ngritur mbi interesat partiake. Mbi ate qe ka te beje me sedren apo egon partiake te cilitdo individ, ne te mire te nje veprimi qe i sherben interesave te vendit", apeloi zyrtari i larte i LSI. D.Dedej
Haxhinasto: Te filloje dialogu per reformen zgjedhore
Zevendeskryetari i LSI, Edmond Haxhinasto, vleresoi dje se ka ardhur koha qe opozita te beje nje reflektim te thelle mbi kursin politik ku eshte futur, duke shperdoruar edhe sakrificat njerezore te qytetareve te thjeshte. Ne nje komunikim per mediat, ai tha se lidershipi i PS po perpiqet te jape idene se veprimet e tij kane mbeshtetje nderkombetare. "Ky eshte nje shperdorim i madh qe opozita po ben me kredibilitetin e mbetur. Une perseris kerkesen e LSI ,per fillimin sa me pare te dialogut politik ne funksion te reformes se ardhshme zgjedhore, me qellim qe te mos kemi kontestime", apeloi Haxhinasto.