Bllokohet kalimi në Kakavijë, shkak një defekt në kompjuterat e palës greke

Mëngjesi i së shtunës ka nisur me probleme në pikën kufitare të Kakavijës. Mësohet se prej 1 orë e 30 minuta është bllokuar qarkullimi i mjeteve për shkak të një defekti në kompjuterat e palës greke.

Ndërprerja e punës në kufi ka shkaktuar radhë të gjata të automjeteve, ndërsa nuk ka informacion se kur puna në pikën kufitare kryesore lidhëse me Greqinë do të rinisë.