Blushi-Malaj, takim per Kongresin

Vetem pak dite larg Kongresit te jashtezakonshem te Partise Socialiste, dy eksponentet socialiste, qe jane pozicionuar kunder Edi Rames, Ben Blushi dhe Arben Malaj, u takuan diten e djeshme per te diskutuar mbi zhvillimet politike qe do te ndodhin fundjaven e ardhshme. Ne takimin e zhvilluar tek ambientet e nje bari te njohur ne Tirane, megjithese nuk kane pranuar te flasin perpara kamerave per temen e bisedimit, mesohet se Kongresi i fundjaves se ardhshme, ndryshimet ne statutin e partise, si dhe zevendesimi i kryetarit Rama, ishin pikat kryesore te cilat u biseduan gjate takimit. Pas takimit te zgjatur per me shume se nje ore, Blushi dhe Malaj nuk kane preferuar te flasin per detajet. Ky i fundit, i pyetur nga gazetaret per takimin me ish-liderin historik te Partise Socialiste, Fatos Nano, nuk e ka mohuar nje gje te tille. Ndersa per sa i perket temes se diskutimit, zyrtari i larte socialist eshte shprehur se, se shpejti do te kete nje komunikim me mediat per gjithcka qe ka te beje me zhvillimet e ardhshme politike brenda Partise Socialiste. Dy anetaret e kryesise se selise roze po keshtu, nuk kane dashur te zbulojne skemen qe do te zbatojne ne Kongres perballe kreut aktual, Edi Rama. Por, megjithese kane qendrime te ndryshme, kane hartuar platforma te vecanta dhe kerkojne perkrahjen e delegateve te Kongresit, dy politikanet jane ne nje qendrim te perbashket per pergjegjesine e Edi Rames per humbjen e zgjedhjeve parlamentare te 28 qershorit dhe largimin e tij nga drejtimi i partise. Nga ana tjeter, i vetmi kandidat potencial i shfaqur deri me tani eshte Arben Malaj. Ndersa Ben Blushi, nuk eshte prononcuar drejtperdrejt per ambicien e tij, duke e lene te hapur nje mundesi te tille. Pas takimit te zhvilluar kome me koke, ky i fundit eshte shmangur pyetjes se gazetareve nese do te ofronte mbeshtetjen per kolegun e tij socialist qe ka shfaqur ambicien per te kandiduar perballe Edi Rames. Dy kundershtaret e shfaqur hapur ditet e fundit ndaj kryesocialistit duhet te arrijne te marrin mbeshtetjen ne Kongres per platformat e tyre, te cilat synojne ne thelb mos kandidimin e kreut socialist. Perpos kesaj, kreu socialist ka zbritur ne baze ku po takon te gjithe delegatet per te marre mbeshtetjen e tyre per vendimet qe do te propozohen nga ai dhe nismat e tij. Nje vendim teper i rendesishem i perket rezolutes se miratuar nga Asambleja e Partise Socialiste, qe eshte mosnjohja e zgjedhjeve parlamentare te 28 qershorit. Mbledhja e Kongresit te jashtezakonshem do te zhvillohet me 29 gusht.

PLATFORMA

Dy kundershtaret e shfaqur hapur ditet e fundit ndaj kryesocialistit, Ben Blushi dhe Arben Malaj, duhet te arrijne te marrin mbeshtetjen ne Kongres per platformat e tyre, te cilat synojne ne thelb moskandidimin e kreut socialist.