Bode urdheron levrimin e fondeve per buxhetoret

Ministri i Financave, Ridvan Bode urdhëron Drejtorinë e Thesarit që të kryhen menjëherë vetëm pagesat për shpenzimet emergjente spitalore, për pagat, për sigurimet shoqërore, duke përfshirë edhe ato për pensionet. Ministri i Financave udhëzon kryerjen e pagesave për paaftësi, ndihmë ekonomimë dhe pagesë papunësie. Një urdhër i tillë ka hyrë menjëherë në fuqi në mungesë të fuqizimit të ligjit të buxhetiti 2013, i cili është miratuar tashmë nga parlamenti dhe dekretuar nga presidenti. Ky ligj pritet të hyjë në fuqi brenda muajit janar.