Bojë për flokët dhe afrodiziakë, si e mbante veten Bin Laden

Të mbash tre gra, sidomos kur më e vogla është 26 vjet më e vogël se ti, është e vështirë. Kështu ka ndodhur me Osama Bin Laden, i cili duhej të tregohej sa më i ri me to. Është përfolur se sherret mes grave të tij kanë zbuluar vendndodhjen e terroristit numër 1 në botë.

Në banjon e Bin Laden është gjetur bojë për flokët Just for men dhe shurup Avena, një afrodiziak bimor, që e ndihmonte Bin Laden të ishte në formë.

Nuk e kuptoj se si njerëzit marrin vetëm një grua? Nëse merr katër gra, jeton si dhëndër, mësohet të ketë thënë Bin Laden.

Ndërkohë revista TIME ka publikuar edhe memo-n e shkruar me dorë nga drejtori i CIA-s, Leon Panetta, ku autorizohet misioni për vrasjen e Bin Laden.

Ajo është shkruar dy ditë përpara operacionit në Abbottabad.

Në memo thuhet se Panetta ka marrë një telefonatë nga këshilltari për sigurinë kombëtare, Tom Donilon, ku thuhet se presidenti e ka marrë vendimin në lidhje me AC1 (Abbottabad Compound 1).

Vendimi është për të vazhduar me sulmin.