Bojkoti, Albertini:Opozita po refuzon demokracinë

"Të mos pranosh rregullat siç bën opozita me qëndrimin e saj është të refuzosh demokracinë". Kështu deklaroi Kryetari i Komisonit të Jashtëm të Parlamentit Europian, Gabriele Albertini në takimin me kryetaren e Kuvendit Jozefina Topalli.
"Pa dyshim rregullat e demokracisë janë rregulla të forta. Në momentin kur bëhen zgjedhje dhe pasi komuniteti ndërkombëtar i ka verifikuar dhe çertifikuar si zgjedhje të rregullta, atëherë rezultat e dala qartësisht, janë një realitet. Nga këto zgjedhje ka dalë një mazhorancë dhe minoranca duhet të ndërgjegjësohet për vendin që i takon.
Të mos pranosh këto rregulla siç bënë opozita me qëndrimin e saj, është të refuzosh demokracinë" theksoi Albertini.
Në lidhje me liberalizimin e vizave dhe përshpejtimin e anëtarësimit të Shqipërisë në BE Albertini theksoi se brenda mesit të këtij viti, do të mbyllet proçesi i liberalizimit të vizave.
"Jemi shumë të kënaqur sepse kjo afron Shqipërinë me Evropën, dëshirë që e kemi të gjithë ne, veçanërisht ne italianët që jemi afër. Natyrisht dhe për shqipëtarët, që pas vitesh izolimi, aspironi të hyni në Europë me të drejta të plota" theksoi Albertini.