Bolton: Çështja e Kosovës nuk ka marrë fund

Çështja e Kosovës ende nuk ka marrë fund dhe tensione do të ketë derisa nuk gjendet një marrëveshje e pranueshme për të gjitha palët, ka deklaruar ish-ambasadori amerikan në OKB, John Bolton. "Ende nuk është e qartë se çfarë do të jetë politika e administratës së Barack Obamës në Ballkan dhe megjithëse shteti i ri, Kosova, ka qenë relativisht e stabilizuar që nga shpallja e pavarësisë, kjo çështje ende nuk ka marrë fund, sikur edhe çështjet të tjera që janë pasojë e shpërbërjes së ish-Jugosllavisë", ka thënë Bolton për "Zërin e Amerikës". Bolton, i cili njihet për mbështetje të hapur që i ka dhënë politikës së Beogradit, ka vlerësuar se, "situata në Ballkan është relativisht e qetë që kur Kosova ka shpallur pavarësinë e saj", mirëpo, sipas tij, "kjo nuk do të thotë se çështja është zgjidhur"