Borriello ndihet i rëndësishëm

Sulmuesi Marco Borriello thotë se tani ndihet i rëndësishëm te Roma.

Klubi nga kryeqyteti italian e kishte vënë në shitje Borriellon gjatë afatit kalimtar të verës por nuk mori ndonjë ofertë të mirë që do të përcillej me largimin e tij nga Olimpico.

“Isha i lënduar kur mësova se isha në shitje por tani ndihem i rëndësishëm dhe dua të luaj mirë. Kurrë nuk kam kërkuar të largohem dhe ndihem pjesë e projektit. Kam biseduar me trajnerin Luis Enrique dhe ai më ka thënë se jam i rëndësishëm për ekipin” tha Borriello për Sky Sport Italia.