Borxhi 6 milione dollare, “CEZ” i pret “Albpetrolit” furnizimin me energji

Kompania shteterore e naftes, “Albpetrol” ka pesuar dje nje nderprerje te energjise elektrike. Dhe kjo, per shkak te nje detyrimi te papaguar te ketij produkti. Lajmi u be me dije nga drejtuesit e kompanise “CEZ Shperndarje”, sipas te cileve, eshte nderprere furnizimi me energji i kesaj kompanie. Sipas tyre, shkak per nje nderprerje te tille, eshte bere pikerisht detyrimi prej 6 milione dollaresh qe kompania ne fjale, i ka CEZ-it. Por gjithashtu, si arsye vleresohet te jene detyrimet qe nenkontraktoret i kane kompanise shteterore. Shifra keto, qe sipas raportit te fundit te Kontrollit te Larte te Shtetit arrijne ne rreth 90 milion dollare ose rreth 15 here me shume se detyrimi i “Albpetrolit” ndaj “CEZ”-it. Administrata e re shteterore e kompanise se shperndarjes se energjise, prej javesh, ka nisur aplikoje masa konkrete per uljen e nivelit te humbjeve te energjise elektrike. Por edhe rritjen e nivelit te arketimeve nga ana tjeter. Duke synuar ne kete menyre kompensimin e demeve qe la administrimi i kesaj kompanie prej pales ceke, te ciles iu hoq licenca.