Braçe: Lista e Qarqeve e padrejtë

Reagimi i tij erdhi pas deklaratave të sekretarëve Blendi Klosi dhe Armando Subashi, të cilën thanë se vendimi ishte unanim për të gjithë anëtarët e kryesisë. 

“Te dy mbrojnë me forcë madje deri në shpërdorim, një listë-se kuptoj perse e quajnë vendim-me emrat e anëtarëve të Kryesisë të deleguar në KZAZ në qarqe të ndryshme. Është shumë interesante kjo! Deri më sot unë nuk kam folur me emra por disa emra janë bërë publik duke folur vullnetarisht për këtë çështje. Jam i bindur se edhe disa të tjerë do e bëjnë. Po i pres”, shkruan Braçe.

Për sa i përket dy sekretarëve të sipërcituar, Braçe tha se atyre nuk iu është ndryshuar zona e tyre elektorale.  “Pra ata janë deleguar në atë qark ku kanë edhe zonat e tyre elektorale. Ata janë shembull përse ajo listë e lexuar, vetëm e lexuar, në Kryesi nuk është parimore, por më shumë është e padrejtë, e pabarabartë dhe joproduktive”, vijon. “Jam i interesuar te respektoj njerezit qe me kane votuar, socialistet që më kanë mbështetur, TANI! Jo kur ka zgjedhje! Ndaj nuk i BRAKTIS që të mbaj vendin në KRYESI!”, shton ai. /Start/

                                                                                             2012-01-29 13:44