Braktisin "zanatin" e hajdutit, kapen dy si trafikante droge

Durres- Braktisin "zanatin" e hajdutit per t'u bere trafikante droge, por bien ne kurthin e agjenteve ne "Kryqezim". Dy te rinj te dyshuar si shperndares narkotikesh, hashash dhe heroine, u ndaluan duke uh zbardhur dita e djeshme nga Policia e Durresit. Burime zyrtare bene me dije se te arrestuarit jane Fatmir Krasniqi 27-vjec, banues ne lagjen nr. 16 Durres, i denuar me pare per vjedhje dhe Luan Kokomani 26-vjec, banues ne Tirane, i denuar me pare po per vjedhje. Kapja eshte bere ne lagjen nr. 17 te qytetit bregdetar, teksa te rinjte qarkullonin me autoveturen tip "Wolksvagen", me targa TR8280M, e drejtuar nga Luan Kokomani. Ne automjet u gjet dhe sekuestrua sasia prej 0,80 gr lende narkotike e dyshuar si heroine. Por kontrollet kane vijuar edhe ne banesat e te dyshuarve, ku ne shtepine e Fatmir Krasniqit, agjentet zbuluan sasine prej 735,6 grame lende narkotike e llojit kanabis sativa. "Ne cilesine e proves materiale u sekuestrua edhe automjeti qe sherbente per shperndarjen e dozave te droges tek perdoruesit", njoftoi policia vendore. Pas veprimeve paraprake, materialet procedurale per vepren penale te "prodhimit e shitjes se lendeve narkotike" iu kaluan per ndjekje Prokurorise se Rrethit Durres.