Shoqerohet ish-kryetari i OMONIA-s
Korce- Shoqerohet ne komisariat dhe i komunikohen akuzat, ish-kreut te shoqates OMONIA ne Korce, per skandalin e vizave me minoritaret e rreme. Spiro Lici do te ndiqet ne gjendje te lire nga prokuroria dhe njohja me akuzat eshte bere nga policia vendore diten e djeshme. Burime zyrtare konfirmuan se ish-kryetari i shkarkuar i deges, do te akuzohet per "shperdorim detyre" dhe "ushtrimit te ndikimit te paligjshem". Nderkohe qe dje, dhjetera qytetare minoritare, kane kerkuar kthimin e parave te paguara per viza ne zyren e OMONIA-s, 150-200 euro per person, pas mashtrimeve te dala ne pah edhe pas deklarates se konsullit grek ne Korce.
"Procedimi penal ndaj Spiro Licit, ka nisur ne gjendje te lire, ne baze te informacioneve te siguruara nga policia gjate hetimeve, ku rezulton se ka abuzuar me detyren e tij si kryetar i organizates OMONIA", thane zyrtare te policise vendore ne lidhje me kete ceshtje. Lici mesohet t'i kete mohuar akuzat, duke i quajtur te padrejta dhe te sajuara me qellim largimin e tij nga posti qe mbante.
Sipas grupit hetimor, nga marrja ne pyetje e personave te ndryshem rezulton se ish-kryetari i deges ka nxjerre viza per ne shtetin grek, personave qe nuk jane anetare te kesaj organizate, duke mos iu prere as fature per leket qe personat paguajne per vizat.
Dhjetera qytetare kerkuan kthimin e parave pasi nuk perfituan vizat e premtuara nga Lici. Nderkohe qe ne nje deklarate te tij konsulli grek Theodhoros Ikonomu, ka thene se jane paraqitur te pakten 50 persona me dokumente false per viza, nga ana e OMONIA-s ne Korce, per t'i nisur si pasagjere me nje autobus drejt Greqise, te cilin konsullata e bllokoi sepse kishte dyshime serioze per abuzime. Konsulli grek i Korces e akuzoi kryetarin Spiro Lici se kishte paraqitur edhe dokumente false per t'i nxjerre viza personave te kerkuar nga Interpoli. Te gjitha keto deklarata sipas policise vendore do te verifikohen dhe jane sekuestruar te gjitha dokumentacionet e dorezuara ne kete dege apo aplikimet e kryera dhe vizat e leshuara. Vetem perfundimi i hetimeve do te zbardhe te verteten rreth akuzave per skandalin e vizave dhe falsifikimeve ne OMONIA dhe nese dyshimet vertetohen, atehere ish-kryetari rrezikon burgun dhe aktiviteti i zyres minoritare vihet ne dyshim.
Qytetaret kerkojne parate e vizave
Per tre dite me radhe qytetare te shumte qendrojne dhe protestojne para zyrave te OMONIA-s ne Korce, ku kerkojne kthimin e parave dhe dokumenteve. Gra e burra, te moshuar dhe te rinj pretendojne se jane mashtruar nga kreret e organizates dhe se kane paguar nga 150-200 euro per vize greke. Shume prej tyre shprehen se i kane dashur vizat per halle, kurime ne shtetin fqinj per shkak te problemeve shendetesore te te afermve. Ata pranuan se kishin paguar kete shume eurosh per te perfituar vize nepermjet zyres se OMONIA-s. Ne nje rast qytetaret deshmojne se kane aplikuar rreth 20 vete duke paguar 150 euro dhe udhetuar ne Greqi per 5 dite.