Britani, grevë pra nisjes së Lojrave Olimpike

Mijëra punonjës të stafit kufitar në Britani do të zhvillojnë grevë një ditë para fillimit të Lojrave Olimpike 2012.

Anëtarët e Unionit të Shërbimeve Publike dhe Komerciale (PCS) do të jenë në grevë për 24 orë të enjten e ardhshme, kur mijëra vizitorë pritet të mbërrijnë në Britaninë e Madhe.

Sekretarja e Brendshme, Theresa May tha se veprimi ishte i turpshëm, pasi kërcënon njerëzit që do të udhëtojnë për në Londër për Lojrat.

Ministri i Emigracionit, Damian Green tha se planet e emergjencës janë gati.

Stafi i trenave të East Midlands gjthashtu ka parashikuar grevë gjatë Olimpiadës.

Anëtarët e sindikatave thanë se do të marrin masa të tjera të veprimit nga data 27 korrik deri në 20 gusht.

Greva do të përfshijë stafin e zyrës së brendshme, përfshirë Agjencinë e Kufirit të Mbretërisë së Bashkuar, Shërbimin e Identifikimit dhe Pasaportave, si dhe Byronë e të Dhënave Penale.