Bruno Fernandes, si Cristiano Ronaldo!
Manchester United aktualisht është i katërti në Premier League, renditja është shumë e ngjeshur, me 8 skuadra në një distancë prej 4 pikësh (nga pozicioni i dytë në të nëntin) dhe protagonisti i madh i Djajve të Kuq është Bruno Fernandes. Mesfushori portugez i cili arriti në Manchester janarin e kaluar për një shifër rekord prej rreth 80 milion euro këtë sezon po marshon me një ritëm vërtet rekord, duke u bërë një idhull i vërtetë i tifozëve të Djajve të Kuq. Deri më tani ai ka shënuar 10 gola në ligë në 14 ndeshje. Numra vërtet të pabesueshëm për një mesfushor. Me golin e shënuar kundër Leicester në ndeshjen e përfunduar 2-2, Bruno Fernandes ka arritur një “rekord të vogël”, në fakt ishte që nga viti 2009 që një futbollist portugez nuk kishte shënuar të paktën 10 gola në kampionat; i fundit që pati sukses ishte Cristiano Ronaldo!
Bruno Fernandes, numra rekord …. si Cristiano Ronaldo – Tifozët, shokët e skuadrës dhe trajneri janë të gjithë entuziastë për performancën e Bruno Fernandes, i cili përveç që shënoi 10 gola në kampionat, gjithashtu shënoi 4 gola në 6 ndeshjet e para të Champions (Manchester United nuk kaloi fazën e grupeve, vazhdon në Europa League). Mesfushori ka arritur të bëjë atë që asnjë portugez pas Cristiano Ronaldo nuk kishte arritur të bënte, por ai nuk dëshiron të ndalet këtu. Edhe faqja zyrtare e Premier League ka celebruar këtë tregues të arritur nga mesfushori portugez te Manchester United.