Bumci: PS-ja po zvarrit "spiunet"
TIRANE - Partite politike vazhdojne t'ia hedhin fajin njera-tjetres per mos miratimin ne Kuvend te projektligjit disa vjecar, per hapjen e dosjeve te ish-bashkepunetoreve te Sigurimit te Shtetit. Deputeti demokrat, Aldo Bumci tha ne seancen e djeshme plenare, se faji i zvarritjes se miratimit te ketij projekti eshte i selise roze e deputeteve te saj, te cilet 17 vite pas renies se komunizmit nuk kane vullnet te distancohen nga e kaluara. "PS e ka te pamundur qe te shkeputet nga trashegimia e partise me staliniste te kontinentit", tha Bumci. Sipas tij, te njejten sjellje refuzuese si sot, opozita e majte e ka bere dhe vite me pare. Bumci permendi se dhe ne nentor te vitit 1995, Shqiperia ishte nder vendet e para komuniste qe e kalonte nje ligj te tille. Por pas ardhjes ne pushtet te se majtes ne 1997, ligji u degradua. "PS hoqi kufizimet per shumicen e punonjesve te ish-Sigurimit te Shtetit, te hetuesve, prokuroreve qe kishin dhene denime me burg, duke mos pasur asnje distancim apo reflektim nga e kaluara", akuzoi deputeti demokrat. Sipas Bumcit, ardhja e socialisteve ne pushtet ne 97-en, u perdor per te rehabilituar figurat e vjetra, ata qe kishin dhene deri dje, denime me vdekje ne emer te diktatures dhe sot japin denime ne emer se te drejtave te njeriut. "Kjo eshte hera e dyte qe PS-se i jepet mundesia te distancohet nga e kaluara e saj, duke e miratuar kete ligj", ritheksoi Bumci. R.R