Burgosen marinaret e anijes se mbytur qe u nis nga Durresi

Ndotja e ujerave territoriale greke nga mbytja e nje anijeje qe ishte nisur nga Porti i Durresit eshte ndeshkuar me burgim per ekuipazhin ukrainas. Autoritetet e drejtesise greke kane vleresuar fajtore pjesetaret e ekuipazhit te anijes qe u mbyt me 18 nentor ne ujerat prane ishullit grek Qefalonia. Gjykata denoi me pese vjet heqje lirie kapitenin ukrainas te anijes se mallrave Christine qe u mbyt ne detin Jon dhe me nga kater vite te tjera secilin prej pese anetareve te tjere te ekuipazhit te gjithe ukrainas. Lajmi eshte raportuar nga agjenci te ndryshme informative ne rajon dhe vendet e ish-Bashkimit Sovjetik. Anija e mallrave Christine e cila ishte nisur nga Porti i Durresit ne drejtim te portit Burgas te Bullgarise ishte me flamur te Togos. Ajo u mbyt pas disa oresh lundrim nga porti i nisjes afer ishullit grek te Qefalonise dhe te gjashte anetaret e ekuipazhit te saj shpetuan duke perdorur nje barke shpetimi. Sipas marinareve te Christine anija u mbyt per shkak te nje defekti te rende ne motor dhe thyerjes se skafit te anijes gjate nje fortunali ne det te hapur. Megjithate hetimet per zbardhjen e rrethanave te kesaj mbytjeje cuan ne cilesimin e ekuipazhit si fajtor per ngjarjen dhe ndotjen e ujerave greke te detit Jon. Gjykata e Qefalonise gjykoi se detaret e kishin mbytur vete anijen e tyre dhe per rrjedhoje demtuan mjedisin me naften e derdhur ne det nga anija Christine. Autoritetet deklaruan se siperfaqja e zones se ndotur me produkte nafte arrinte deri ne dy mije metra katrore. Nderkaq ceshtja eshte bere objekt reagimesh diplomatike. Perfaqesuesi i ambasades se Ukraines ne Athine ka shprehur dyshime nese marinaret e kane mbytur qellimisht anijen duke vene ne rrezik dhe jeten e tyre.