Bursat, rritje ne tregjet europiane

Tregjet europiane e kanë vlerësuar miratimin e planit të shpëtimit nga Senati Amerikan. Në fakt bursat në kontinentin e vjetër shënuan një rritje në vlerën e aksioneve.

Në Londër, Paris, Frankfurt e Milano, tregtimi i aksioneve reagoi pozitivisht, ndërsa ishin bursat aziatike ato që u hapën gjatë mëngjesit me një rënie të lehtë.

Rënia në Japoni, Hong Kong dhe Australi rënie ishte me më tepër se 1%.

Analistët thonë se pavarësisht kalimit në senat, në tregjet ndërkombëtare reflektohen shqetësime mbi votën e ardhshme në dhomën e përfaqësuesve, pa miratimin e së cilës projekti nuk mund të bëhet ligj.

Skepticizmi sipas tyre do të vazhdojë edhe pas një miratimi të mundshëm pasi do të duhet kohë që tregjet financiare të stabilizohen.