Debati Biden-Palin
Kandidati demokrat per zevendespresident, Joe Biden ka deklaruar se marreveshja per nxjerrjen e ekonomise amerikane nga kriza tregon qarte se Shtetet e Bashkuara kane pasur politiken ekonomike me te keqe ne historine e tyre.
Ndersa rivalja e tij republikane Sarah Palin theksoi se "amerikanet jane te frikesuar" nga kriza financiare qe po kalon vendi. Ajo vleresoi perpjekjet e senatorit, John McCain ne arritjen e marreveshjes se shpetimit dhe shtroi domosdoshmerine per te reformuar Uashingtonin dhe politikat qe ndiqen.
“Kemi nevoje per lehtesim taksash. Obama ka folur per rritjen e taksave, nderkohe qe ne duhet te krijojme vende pune dhe t’i japim nje shtyse ekonomise tone. Qeveria duhet te jete me eficente. Ne kemi nevoje per lehtesim, ndersa Obama ka mbeshtetur rritjen e taksave”, eshte shprehur Palin.
Por Biden ka hedhur poshte deklaratat e saj, duke deklaruar se Obama nuk eshte per rritjen e taksave. Ai ka deklaruar se do te mbeshtese shtresen e mesme dhe do te lehtesoje detyrimet e tyre.
Duke folur per luften ne Irak, Palin sulmoi qendrimin e Barak Obames per shkurtimin e fondeve te luftes dhe terheqjen e trupave.
“Do te ishte turp i madh nese do te terhiqeshim nga Iraku”, tha Palin. Ndersa Biden theksoi se ai dhe Obama do te perfundojne luften duke theksuar se edhe McCain ka votuar per shkurtimin e fondeve per luften.
“Ne do te perfundojme luften. Me John McCain lufta nuk ka fund”, pohoi Biden.
Te dy kandidatet kane qene dakord per shtimin e trupave ne Afganistan, pas rritjes se sulmeve te talebaneve dhe Al Kaedes. Biden theksoi se SHBA-ja eshte e rrezikuar nga sulmet e organizates terroriste dhe mbeshtet luften kunder militanteve afgane.
Duke folur per Pakistanin dhe Iranin kandidatet per Shtepine e Bardhe i kane konsideruar si vende shume te rrezikshme.
Joe Biden deklaroi se “Pakistani ka tashme arme berthamore dhe ka mobilizuar arme berthamore”, ndersa “Irani duke pasur arme berthamore eshte mjaft destabilizues”.
“Te dyja keto shtete luajne rol te rrezikshem ne rajon”, theksoi Biden. “Ne Pakistan duhet vendosur nje qeveri e qendrueshme, duhet ndihmuar ushtria dhe policia”, theksoi Biden.
Ndersa Palin pohoi se “nje arme nukleare, sidomos ne Iran eshte jashtezakonisht e rrezikshme per Izraelin”. Ajo sulmoi deklaratat e Obames "per t'u ulur ne bisedime pa kushte me Ahmadinejad".
“Nje drejtues si Ahmadinejad nuk duhet te lejohet te prodhoje te tilla arme. Deklarata e Obames per takimin pa kushte me te eshte e rrezikshme. Lider si Ahmadinejad do te donin te zhduknin gjithe boten, atehere si mund te takohesh me kete njeri pa perpjekje diplomatike”, theksoi Palin.
Dy senatoret u ndane ne deklaratat e tyre kur folen per ndryshimet klimaterike. Republikania Palin theksoi se “nuk duhet t’i atribuohet aktivitetit njerezor shkaku kryesor per ndryshimet klimaterike”.
Por Biden e kundershtoi rivalen e tij duke theksuar se gjithcka ka te beje me vete njeriun. “Mendoj se eshte aktiviteti njerezor. Nese ti nuk kupton se kush eshte shkaku, s’mund te gjesh as zgjidhjen”, theksoi Biden.
Te dy kandidatet kane perdorur per here te pare familjet e tyre ne garen per numrin dy te Shtepise e Bardhe. Ata kane synuar te tregojne familjaritetin e tyre per te ndikuar tek votuesit amerikane.
Palin iu referua djalit te saj qe ka ne Irak dhe femijes tjeter qe vuan me sindromen “daun”. Ndersa Biden, i cili ka humbur bashkeshorten dhe femijen ne nje aksident, ka leshuar lot duke shprehur dhimbjen per familjen e humbur.
Kjo ishte perballja e pare dhe e fundit e drejtperdrejte e tyre ku kandidatet kerkuan voten ne zgjedhjet e nentorit per kreun e shtetit.