Buxheti 2012, Shkurtohen fondet për turizmin, drejtësinë, rrugët dhe SHISH
Buxheti i 2012 parashikon më pak fonde për Presidentin, SHISH, transportet, integrimin, turizmin, drejtësinë etj. Ja si ka ndryshuar buxheti në favor të institucioneve për vitin që vjen
Për vitin që vjen, për disa institucione fondet janë shkurtuar ndjeshëm nga sa ishin programuar për këtë vit. Duke iu referuar buxhetit të institucioneve, në total për 2012-ën u akordohen 902 336 mln lekë më shumë se buxheti i rishikuar i vitit 2011. Institucionit të Presidentit, buxheti 2012 i ka shkurtuar 5 250 mln lekë. Duke iu referuar tabelave ilustruese krahasuese të buxhetit të shtetit, institucioni i Presidentit kishte në buxhetin e rishikuar të 2011-ës një shumë prej 164 000 mln lekësh, ndërsa për 2012-ën është menduar një shumë prej 158 750 mln lekësh. Ndërsa qeveria, pavarësisht debateve dhe ankesave të një viti më parë nga Shërbimi Informativ Shtetëror për një buxhet të varfër, ka vazhduar edhe këtë vit të planifikojë një buxhet më të vogël se ai i rishikuari i 2011-ës për këtë institucion. SHISH, për 2012-ën parashikohet të ketë 2 500 mln lekë më pak se në buxhetin e rishikuar të 2011-ës. Institucionet që janë prekur nga shkurtimet e buxhetit për 2012-ën janë: Komisioni Qendror i Zgjedhjeve, me 606 094 mln lekë, Ministria e Punëve Publike dhe Transportit, me 3 402 075 mld lekë, Ministria e Financave me 110 410 mln lekë, Ministria e Drejtësisë me 70 150 mln lekë, Ministria e Punëve të Jashtme me 3 061 mln lekë; Drejtoria e Përgjithshme e Arkivave ka pësuar një shkurtim buxheti prej 2 629 mln lekësh. Edhe Akademia e Shkencës, ashtu si edhe një vit më parë ka pësuar shkurtim. Buxheti i 2012-ës për Akademinë e Shkencave është 1681 mln lekë më pak se buxheti i rishikuar i 2011-ës. Institucione të tjera që kanë pësuar shkurtim buxheti për 2012-ën janë” Kontrolli i Lartë i Shtetit me 6 045 mln lekë, Zyra e Administrimit të Buxhetit Gjyqësor me 2 597 mln lekë, Gjykata Kushtetuese me 3 781 mln lekë, partitë politike me15 000 mln lekë, Avokati i Popullit me 2 259 mln lekë, Inspektorati i Lartë i Kontrollit të Deklarimit të Pasurive me 1889 mln lekë, Ministria e Integrimit me 3 542 mln lekë, Këshilli Kombëtar i Kontabilitetit me 57 mln lekë, Avokati i Prokurimeve me1670 mln, Komisioneri për Mbrojtjen e të Dhënave Personale me 9,23 mln lekë, Ministria e Turizmit, Kulturës, Rinisë dhe Sporteve me 650 298 mln lekë,
dhe Instituti i Studimeve të Krimeve të Komunizmit me 2 417 mln lekë. Ndërsa ndër institucionet që kanë përfituar nga rritja e buxhetit për 2012-ën janë sektorët që qeveria ka shpallur si prioritet të programit të vet: Ministria e Arsimit, Ministria e Shëndetësisë etj. Vetë Këshilli i Ministrave do të ketë për 2012-ën një buxhet të shtuar prej 34 363 mln lekësh. Edhe Institucioni i Pavarur i Prokurorisë do të ketë një rritje të buxhetit për 2012-ën me 79 622 mln lekë.
Buxheti i institucioneve
Viti 2012 Viti 2011 Diferenca
Presidenca 158,750 164,000-
Kuvendi 1,246,000 1,145,900
Këshilli Ministrave 415,263 380,900
Ministria e Energjetikës 2,305,985 2,258,360
Ministria e Bujqësisë, 6,781,293 6,418,300
Ministria e Transportit 42,412,194 45,814,269 - 3, 402, 075
Ministria e Financave 7,213,956 7,324,366 - 110,410
Ministria e Arsimit 38,930,136 38,304,809
Ministria e Turizmit 2,454,545 3,104,843 -650,298
Ministria e Shëndetësisë 29,114,408 28,774,944
Ministria e Drejtësisë 5,795,428 5,865,578 - 70,150
Ministria e Punëve të Jashtme 2,160,455 2,163,516 -3,061
Ministria e Brendshme 16,570,333 15,622,841
Ministria e Mbrojtjes 19,910,246 19,864,500
Shërbimi Informativ Shtetëror 1,300,000 1,302,500 -2.500
Drejtoria e Radio-Televizionit 402,000 380,229
Drejtoria e Arkivave 167,171 169,800 -2,629
Akademia e Shkencës 79,819 81,500 -1,681
Kontrolli i Lartë i Shtetit 260,086 266,131 -6,045
Ministria e Punës 53,485,759 50,201,000
Ministria e Mjedisit 2,304,348 1,784,071
Prokuroria e Përgjithshme 1,807,622 1,728,000
Zyra e Administrimit të Buxhetit Gjyqësor 1,773,403 1,776,000 -2,597
Gjykata Kushtetuese 97,628 101,409 -3,781
Agjencia Telegrafike Shqiptare 90,627 90,490
Partitë politike 200,000 215,000 -15,000
Instituti Statistikës 429,940 1,389,000
Shkolla e Magjistraturës 52,594 52,416
Fondi i Zhvillimit Shqiptar 8,300,000 8,212,000
Qendra Kombëtare e Kinematografisë 102,963 101,474
Këshilli i Lartë i Drejtësisë 83,205 82,300
Avokati i Popullit 80,211 82,470 -2,259
Komisioni i Shërbimit Civil 42,758 42,758
Komisioni Qendror i Zgjedhjeve 94,106 700,200 -60,094
Inspektorati i Kontrollit të Pasurive 87,720 89,609 -1,889
Autoriteti i Konkurrencës 160,134 159,379
Ministria e Integrimit 330,346 333,888 -3,542
Këshilli Kombëtar i Kontabilitetit 13,479 13,536 -57
Avokati i Prokurimeve 24,170 25,840 -167
Institucione të tjera qeveritare 1,526,454 1,282,706
Mbështetje për Shoqërinë Civile 94,792 91,440
Komisioneri për Mbrojtjen e të Dhënave 43,177 44,100 -923
Komisioneri për Mbrojtjen nga Diskriminimi 41,606 33,430
Instituti i Studimeve të Krimeve të Komunizmit 30,583 33,000 -2,417
TOTALI 248,975,138 248,072,802
Buxheti 2012, ish-pronarët dhe të përndjekurit 3.5 miliardë lekë
Për vitin që vjen qeveria ka vënë në dispozicion nëpërmjet projekt-buxhetit 2012, rreth 3.5 miliardë lekë për kompensimin e ish-pronarëve dhe ish- të përndjekurve politikë. Shuma është e ndarë në 1.7 miliardë lekë për ish-të përndjekurit dhe 1.8 miliardë lekë për ish-pronarët. Të dhënat e draft-buxhetit në Ministrinë e Financave, të cilat kanë marrë miratimin e qeverisë, kanë kaluar dje në Kuvend. Me buxhetin e rishikuar të këtij viti fondi për kompensimin e pronarëve ishte në po këtë masë, pra 1.7 miliardë lekë, ndërsa fondi për kompensimin e ish-të përndjekurve ishte 1.4 miliardë lekë. Kriteret e propozuara, sipas burimeve nga Agjencia e Kthimit dhe Kompensimit të Pronave (AKKP), mësohet se është vendosur kualifikimi i përfituesve që nuk kanë përfituar më parë kompensim financiar apo dhe fizik. Kjo është një procedurë e ndjekur në 6 vitet e shkuara. Ndërsa në rast se sërish do të duhet renditja e kritereve të tjera, në fuqi do të qëndrojë dhe kushti që ata ish-pronarë që do të përfitojnë kompensim në të holla të mos kenë përfituar prej kompensimit të 200 m2 të dhënë deri tani. Për ish-të përndjekurit, edhe për vitin 2012 do të jetë një fond në dispozicion për kompensimin e kësaj shtrese, rreth 1.7 miliardë lekë ose rreth 300 milionë lekë më shumë se buxheti i rishikuar i këtij viti. Aktualisht po vijon ndarja e lekëve për përfituesit e ish-të dënuarve politikë. Qeveria ka miratuar listat zyrtare me emrat e ish-të përndjekurve dhe është në proces të një liste të re. Ndarja e parave të kompensimit ka nisur për listat e viteve 2009, 2010 dhe 2011 me një pjesë të përfitimit, e cila derdhet në llogarinë bankare të hapur nga vetë i interesuari.
1.7 miliardë për ish-të përndjekurit
1.8 miliardë lekë për ish-pronarët