Buxheti i shtetit per 2009 planifikon 6 milione dollare per ish- pronaret

TIRANE - Per kompensimin e ish pronareve me vlere financiare, buxhetit i shtetit ne 2009 sipas planifikimeve paraprake pritet te vere ne dispozicion rreth 500 milione leke ose 6 milione dollare. Kjo vlere eshte e perafert ose e njejte me ate te dhene te pakten tre vitet e fundit. Sipas praktikave te aplikuara deri me tani perfitojne kompensim financiar subjektet e shpronesuar, prona e te cileve eshte e njohur e gjitha per kompensim dhe qe nuk kane perfituar nga kompensimet e meparshme. Keto subjekte kompensohen, sipas radhes kronologjike te percaktuar nga numri i vendimit sipas viteve. Subjekti i shpronesuar qe do te perfitoje nga ky fond, duhet te deklaroje doreheqjen nga e drejta e parablerjes per sasine e kompensuar, ne rast se ai shpallet fitues ne kete aplikim. Gjithashtu, ish-pronari nuk duhet te jete ne proces shqyrtimi te nje ankimi administrativ ne lidhje me pronen. Gjithashtu, nga ndarja e ketij fondi do te perfitojne ata ish-pronare, qe nuk kane marre nje vendim nga komisionet vendore per kthim fizik. Nga shperndarja e ketij fondi do te perfitojne te gjitha subjektet e shpronesuara, prona e te cileve eshte e njohur e gjitha per kompensim, pra ne vendimet e komisioneve vendore nuk ka te shprehur per asnje meter katror kthim fizik. Subjektet e shpronesuara, pavaresisht se, ku jetojne, duhet te dorezojne prane Drejtorise se Kompensimit ne AKKP, kerkesen e tyre per te perfituar kompensim ne te holla.

Sipas ligjit per kthimin dhe kompensimin e ish-pronareve, likuidimi financiar ndaj tyre duhet te perfundoje deri me 2014. Por me vleren qe akordon buxheti, rreth 6 milione USD ne vit respektimi i ketij procesi, sipas percaktimeve ligjore eshte i pamundur.

Ne vitin 2008 shifra e vene ne dispozicion per kompensim nga buxheti i shtetit eshte 6 milione dollare. Kjo shume do te shperndahet brenda ketij viti. Vlera maksimale e kompensimit do te jete deri ne 200 m2 te siperfaqes se percaktuar per kompensim.

B.Hoxha