CEZ: Nis ndërprerja e energjisë për institucionet debitore, borxhi 65 mln dollarë

TIRANE – Ashtu siç kishte paralajmëruar, “CEZ Shpërndarje” nisi sot ndërprerjen e energjisë elektrike për institucionet buxhetore dhe jobuxhetore, si dhe për zyrat administrative të ujësjellësve debitorë në të gjithë vendin.

“CEZ Shpërndarje u la një afat të arsyeshëm të gjitha këtyre institucioneve, për të paguar detyrimet e prapambetura, por asnjë nga këto institucione nuk ka reaguar për shlyerjen e debisë. Ky ishte një apel i përsëritur që CEZ Shpërndarje u bënte këtyre institucioneve dhe brenda disa muajsh ata ishin njoftuar zyrtarisht për detyrimet ndaj kompanisë, si dhe ne shumicën dërrmuese të rasteve e kanë pranuar se janë në borxh me CEZ Shpërndarje”- thuhet në një njoftim të kompanisë.

Sipas “CEZ Shpërndarje”, në total detyrimi i këtyre institucioneve, pa përfshirë kamat-vonesat, llogaritet në rreth 65 milionë dollarë.
“CEZ Shpërndarje” shpreh vendosmërinë për të mos furnizuar me energji elektrike asnjë nga institucionet debitore, derisa ata të paguajnë detyrimet e tyre.

“CEZ Shpërndarje garanton qytetarët se kjo kompani do të trajtojë me të njëjtin standard abonentët private dhe shtetërore, duke furnizuar me energji ata që paguajnë energjinë dhe duke prerë çdo lidhje për ata që nuk paguajnë energjinë.

CEZ ka publikuar edhe listën e detyrimeve të të gjitha institucioneve buxhetore dhe jobuxhetore, si dhe detyrimin e secilit kundrejt kompanisë. 

Row Labels NR KONTRATE    Debia         Principal 2007-Qershor 2013
Buxhetor                                      9449              3,194,110,831
Berat                                           1002              104,698,161
Burrel                                             625              128,902,013
Durres                                           909               229,897,431
Elbasan                                        799               139,538,617
Fier                                               1221             819,122,525
Gjirokaster                                   1262             231,058,012
Korce                                            1040             80,979,119
Kukes                                            315              80,455,371
Shkoder                                        879             171,251,497
Tirane                                           1397            1,208,208,085 

Jo-Buxhetore                                2331          3,543,436,820
Berat                                             144             357,274,092
Burrel                                             251            486,465,157
Durres                                            211            215,570,951
Elbasan                                         410             368,733,814
Fier                                                236             1,515,347,138
Gjirokaster                                   165              76,759,307
Korce                                            149              60,844,709
Kukes                                            59                24,973,077
Shkoder                                       250               274,628,085
Tirane                                           456              162,840,489
Grand Total                              11780              6,737,547,651

(er.nu/BalkanWeb)