Cassano, “derbi” Milan-Inter
Për fantazistin e Sampdoria, Antonio Cassano, pas Inter, shfaq interes edhe Milan.
Sulmuesi italian do të ishte zëvendësuesi ideal për kuqezinjtë nëse Ronaldinho largohet në janar. Për momentin pritet vendimi i Kolegjiumit Italian për prishjen e kontratës së Cassano me Sampdoria ose pezullimin e tij.
Sidoqoftë, e ardhmja e Cassano është larg ekipit dorian. Dy ekipet e vetme të mëdha të interesuara për “Fantantonio” janë Milan dhe Inter.
Milan mund ta marrë ish-lojtarin e Romës për të zëvendësuar Ronaldinho. Por, edhe nëse braziliani nuk largohet Cassano mund të plotësojë boshllëkun në sulm që ka lënë Inzaghi.
Inter e kërkon fantazistin italian për arsyen e thjeshtë se një sulmues me karakteristikat e Cassano mungon në ekipin zikaltër.