Cdo maturant kod te vecante regjistrimi
Cdo maturant qe do te perfshihet ne provimet e Matures Shteterore 2007-2008 do te kete nje numer te vecante regjistrimi qe do te percaktohet nga Agjencia e Vleresimit te Arritjeve te Nxenesve. Hartimi i kodeve do te behet pas rishikimit te formulareve A1 qe jane plotesuar nga nxenesit prane shkollave te tyre. Njohja e maturanteve me numrat e tyre te regjistrimit do te behet nje dite pasi te jete mbyllur dhe procesi mesimor per kete kategori nxenesish. Afishimi i kodeve te regjistrimit do te behet ne ambientet e shkolles, ku cdo maturant do te njihet dhe me barkodin qe do te kete fleta e tij e provimit, nepermjet te ciles do te identifikohet gjate vleresimit te testeve. Menjehere pas rishikimit te te dhenave te mbledhura nga verifikimi i formulareve A1, AVA nderton bazen e te dhenave te cdo kandidati, si dhe do te pajise keta te fundit me nje numer regjistrimi perkates, qe perben elementin kryesor te identifikimit te tyre gjate nxjerrjes se rezultateve te provimeve. Gjithashtu, eshte percaktuar si afat zyrtar, kur drejtorite arsimore ne rrethe do te marrin numrat perkates per maturantet e shkollave te tyre, data 25 maj 2008. Me pas, do te jene komisionet e Matures Shteterore, te ngritura prane shkollave, qe do te bejne shperndarjen e metejshme te kodeve per maturantet ne shkollat e mesme. Kjo procedure duhet te jete mbyllur brenda dates 30 maj 2008, afat ne te cilin te gjithe maturantet duhet te jene njohur me kodet identifikuese individuale qe do te kene per provimet e Matures Shteterore. Nxenesit te cilet perfundojne vitin e fundit te shkolles se mesme, por qe do te cilesohen mbetes ne disa lende, nuk do te perfshihen ne provimet e matures e per rrjedhoje nuk do te kene kode te tyre identifikuese. Komisioni i matures prane shkolles, nje dite pas mbylljes se vitit mesimor ben dhe evidentimin e ketyre mbetesve dhe te dhenat dergohen per perpunim prane drejtorive arsimore. Kjo kategori nxenesish do te kete te drejte qe te jape provimet vetem gjate vitit te ardhshem, kur te jene klasifikuar si kalues ne te gjitha lendet. Nderkohe mesohet se ka perfunduar dhe plotesimi i formulareve prane shkollave te mesme.