Ceka: "Dosjet", Kushtetuesja te vendose shpejt

Presidenti i Partise Aleanca Demokratike, Neritan Ceka deklaroi diten e djeshme se Gjykata Kushtetuese duhet te zhbllokoje me shpejtesi debatet dhe problematiken qe ka shkaktuar ligji i lustrimit, qe parashikon edhe hapjen e dosjeve. Ne nje prononcim per gazeten "Koha Jone", nenkryetari i Kuvendit, Ceka deklaroi se Gjykata Kushtetuese duhet te jape sa me shpejt te jete e mundur, vendimin e saj ne lidhje me kete ligj, aq shume te debatuar mes mazhorances dhe opozites, ku ka pasur dhe nderhyrje te forta te nderkombetareve. Sipas Cekes, nuk do te ishte ndonje cudi nese kjo gjykate do te bente edhe kontestimet e saj, ne lidhje me kete ligj. "Nuk do te ishte ndonje cudi ne rast se Gjykata Kushtetuese te bente publike edhe kundershtimet saj ne lidhje me kete nisme. Do te ishte Kuvendi, ai i cili do te vendoste te amendonte ose jo, keto verejtje qe mund te bente kjo Gjykate. Por eshte e rendesishme qe kjo gjykate te veproje me shpejtesi dhe te mos humbe me kohe, per kete ceshtje te rendesishme", deklaroi Neritan Ceka, ne perpjekje per te dhene dhe ai nje kontribut ne zgjedhjen e ketij ngerci. Ne kete kuader kreu i Aleances Demokratike nuk eshte kunder amendimeve qe mund t'i behen nga Kuvendi ketij ligji te rendesishem. Madje ai deklaroi se ne rast se Gjykata Kushtetuese bente verejtjet e veta ne lidhje me kete nisme, atehere do te ishte e udhes qe te shikoheshin edhe verejtjet qe kane bere nderkombetaret ne lidhje me kete ligj. Prej kohesh ligji i dosjeve dhe i lustrimit, eshte bere qender e debatit mes mazhorances dhe opozites, por pa mundur te gjendet nje zgjidhje deri me tani.

F.Mejdini