Ceka: Reforme zgjedhore, pa Berishen Kryeminister

Aleanca Demokratike paralajmeron mospjesemarrjen e saj ne diskutimet per reformen zgjedhore. Nje fakt i tille u be dje publik nga presidenti PAD-se, Neritan Ceka, i cili gjate nje komunikimi me mediat, perjashtoi cdo lloj mundesie per bashkepunim, deri ne largimin e Kryeministrit Sali Berisha. “Aleanca Demokratike mendon se dje ishte feste, por sot eshte nje dite pune. Aleanca Demokratike nuk do te marr pjese ne asnje reforme, perderisa zoti Berisha do te jete Kryeminister”, u shpreh Ceka, lidhur me kete ceshtje. Por, nderkohe, duke vijuar ne kerkesen e tij per doreheqjen e Kryeministrit Berisha, si kusht per te krijuar terren te lire drejtesise per te hetuar tragjedine e Gerdecit, Ceka theksoi se “dje ka vdekur nje femije 6-vjecar, viktime e Gerdecit, Edison Durda dhe bashke me viktimat e tjera ai kerkon drejtesi. Dhe kjo drejtesi nuk mund te jepet perderisa zoti Berisha nuk jep doreheqjen, te lere te hapur rrugen e drejtesise. Kjo eshte arsyeja qe PAD eshte per reforma, por keto reforma nuk mund te behen perderisa Kryeminister mbetet Berisha”.