Censurë për Rihannan në Francë
Nga Express më 08 maj 2011 në ora 21:00
Janë në krye të klasifikimeve muzikore dhe adoleshentët francezë “çmenden” nën ritmin e këngëve të tyre, por në ekranin e televizorit nuk lejohen.
Franca ka censuruar dy videoklipe “të ekzagjeruara” të këngëtarëve të famshëm Rihanna dhe Enrique Iglesias. Videot muzikore S&M e Rihanna dhe Tonight (I’m Fuckin’ You) e Enrique Iglesias mund të shikohen në TV vetëm pas orës 22.00.
Këshilli Audiovizual i Francës ka ndaluar transmetimin e videoklipeve sepse “dëmtojnë sensibilitetin e publikut me moshë të re”.
Sipas autoriteteve audiovizuale, këto videoklipe kanë domethënie të qartë seksuale.
Gjithsesi këto videoklipe mund të shikohen shumë lehtë në internet, ku miliona përdorues i kanë klikuar duke shuar kuriozitetin. /tch/