Centrali berthamor, ndertimi pas 15 vjet studimesh
Centrali berthamor nuk mund te ndertohet pa u kryer me pare nje studim i detajuar nga specialistet e fushes. Kjo per shkak te gjetjes se nje ambienti sa me te pershtatshem per ndertimin e tij, si dhe per mbrojtjen nga rrezatimi. Sipas specialisteve te Institutit te Shendetit Publik, Shqiperise mund t’i duhen mesatarisht 15 vjet per ta kryer studimin e nje rendesie te vecante. “Pervec faktit qe centralet duhet te ndertohen larg njerezve, duhet te plotesohen edhe disa kushte te tjera te domosdoshme”, thane dje ata. Pas hedhjes se idese per ndertimin e nje centrali berthamor ne Shqiperi, specialistet e mbrojtjes nga rrezatimet jane te mendimit, se duhet domosdoshmerisht te plotesohet paketa nderkombetare e sigurise per objekte te ketij lloji. “Ne ligjin atomik, pervec aspekteve te sigurise fizike, duhet menduar edhe per sigurine e publikut nga pikepamja e mbrojtjes nga rrezatimet”, shprehen specialistet. Standardet qe do te studiohen per ndertimin e nje centrali berthamor lidhen me menyren e ndertimit. Sipas specialisteve te mbrojtjes nga rrezatimi, nuk mund te ndertohet nje central ne maje te malit, sepse kerkon disa parametra kryesore, sic eshte uji. Pra, duhet studiuar zonat ku do te ndertohet nje objekt i tille, si dhe sasia e ujit qe duhet per te bere ftohjen e sistemit te centralit. “Pra, duhet te studiojme faktin, se a mjafton nje lume apo liqen per te kryer procesin e ftohjes apo duhet marre uji nga deti”, shpjegojne specialistet. Per sa i takon rrezikut, centrali me teknologjine e sotme ka nje risk, aq sa kane ne pergjithesi edhe objekte te tjera.
Ndertimi, ideja nga Kryeministri
Ideja per te prodhuar energji u hodh pak kohe me pare nga Kryeministri Berisha ne kushtet e mungeses se energjise, si menyra me e mire per furnizimin me drita. Ai ka deklaruar, se nese kompania "Westinghouse" apo kompani te tjera respektojne te gjitha standardet nderkombetare jane plotesisht te mirepritura. Sipas tij, per kete projekt ka baza te plota, reale dhe natyrisht afatshkurtra dhe se perpjekjet jane serioze dhe kerkojne kuader ligjor shume te hollesishem. Ai premtoi para pak kohesh, se do te kete angazhim te fondeve publike, por ne rast se kompanite e tjera e gjykojne oportune investimin ne nje central nuklear ne Shqiperi, jane te mirepritura.