Cervenkovski distancohet nga vendimi i qeverise

Nepermjet nje reagimi publik, presidenti i Maqedonise, Branko Cervenkovski eshte distancuar nga vendimi i qeverise per ngritjen e procedures gjyqesore kunder Greqise ne gjykaten e Hages.

Duke mos nderhyre ne arsyeshmerine dhe domosdoshmerine e vendimit te qeverise, Cervenkovski vlereson se ky vendim i qeverise bie ne kundershtim me Kushtetuten dhe ligjin per pune te jashtme.

Sipas njoftimit te kabinetit te Cervenkovskit, qeveria nuk mund te sjelle vendime te kesaj natyre pa konsultuar kreun e shtetit.

Ne reagimin me shkrim te Cervenkovskit thuhet se, me kete akt kryeministri dhe qeveria e Maqedonise, perfundimisht e marrin pergjegjesine e plote per zgjidhjen e kontestit te emrit, si dhe per suksesin apo mossuksesin ne proceset e integrimit te shtetit ne NATO dhe BE.

Te henen, ministri i Puneve te Jashtme, Antonio Milloshoski tha se, Maqedonia ka ngritur procedure juridike para gjykates nderkombetare te Hages kunder Greqise.

Maqedonia parashtroi aplikacionin tek regjistri i gjykates se Hages, me qellim qe t’i urdherohet Greqise qe te respektoje detyrimet e veta juridike te parashikuara ne Marreveshjen e Perkohshme te nenshkruar me 13 shtator te vitit 1995.

Sipas nenit te 11 te kesaj marreveshjeje, Greqia detyrohet te mos pengoje anetaresimin e Maqedonise ne NATO.