Chelsea, 60 milionë për Falcaon

Chelsea do të bëjë ofertë në vlerën e 48 milionë paund në afatin kalimtar të janarit për yllin e Atletico Madrid, Radamel Falcao.

Pronari i Chelseat, Roman Abramovich, ka vendosur ta shfrytëzojë klauzolën e lirimit në kontratën e kolumbianit, e cila kap vlerën e 60 milionë eurove (48 milionë paund), ndërsa është këmbëngulës të transferojë sulmuesin më të nxehtë në botë.

Edhe Manchester City është i interesuar në Falcaon, por kampionët e Premier Ligës kanë frikë se 26-vjeçari preferon të kalojë në Stamford Bridge, me disa media që kanë raportuar se ai tashmë ka arritur marrëveshje për kushtet personale me skuadrën londineze.