Cheryl Cole udhëton në Afrikë për të luftuar malarien

Londër, 16 gusht - Cheryl Cole planifikon të udhëtojë në Afrikë për t’i ndihmuar të varfrit në luftën kundër malaries. Pasi që edhe vet u sëmurë nga kjo sëmundje, këngëtarja e mësuar me përvojën e keqe ka vendosur që në çfarëdo mënyre të ndihmojë ata që kanë nevojë.

Cheryl do të vizitojë pjesët më të varfra të Afrikës për të rritur ndërgjegjen për sëmundjen, e cila në ato zona merr 3 mijë jetë në ditë, për ta ndaluar atë.

Këngëtarja e njohur do ta nis këtë udhëtim vitin e ardhshëm, kur të përfundojë xhirimin e emisioneve të reality shou “X Factor”. Gjatë udhëtimit, Cheryl do të vizitojë familjet, anëtarët e të cilave janë të prekur nga malaria, si dhe spitalet lokale.