Clinton: NATO-Rusi, më shumë bashkëpunim për sigurinë

Sekretarja amerikane e shtetit, Hillary Clinton, ka deklaruar se NATO-ja dhe Rusia duhet ta shtojnë bashkëpunimin në fushën e sigurisë. Clinton, tha se partneritetet e së ardhmes, përfshirë edhe Rusinë, do ta ndihmojnë NATO-n, që të merret me kërcënimet në rritje transnacionale, përfshirë zgjerimin atomik, terrorizmin, piraterinë dhe sigurinë në internet. Këto komente Hillary Clinton i bëri gjatë fjalimit të saj në institutin Këshilli Atlantik në Uashington.