Clinton, mesazh shqiptaro-amerikanëve

Zëvendës-ndihmës sekretari i shtetit, Philip Reeker, lexoi një mesazh që u dërgoi pjesëmarrësve Sekretarja Hillary Clinton, me rastin e manifestimit të 16-vjetorit të aktivitetit të Këshillit Kombëtar Shqiptaro-Amerikan.

“Komunitetet e diasporës kanë mundësi të jashtëzakonshme për të ndihmuar në zgjidhjen e problemeve dhe krijimin e shanseve në vendet e origjinës. Duke përdorur përvojën dhe energjinë tuaj, ju mund të frenoni largimin e trurit, që ngadalëson përparimin, dhe të ofroni përfitimet që sjell procesi i kundërt,” thuhet në mesazhin e Sekretares së Shtetit.