Clinton ulet për bisedime me Netanjahun

Pas takimit me Presidentin Barack Obama, Kryeministri i Izraelit Benjamin Netanyahu është ulur të martën pasdite për bisedime me sekretaren e Shtetit Hillari Klinton në Washington. Gjatë takimit më parë, Presidenti Barack Obama u kishte bërë thirrje Izraelit dhe palestinezëve për të rifilluar bisedimet e drejtpërdrejta për paqe nga shtatori, dhe Kryeministri i Izraelit Benjamin Netanyahu kishte thënë se do të ndërmarrë "hapa konkretë" për këtë çështje. Pas një takimi që konsiderohet si i rëndësishëm, Obama dhe Netanyahu kanë dalë krah për krah, duke kërkuar për të projektuar një imazh të unitetit pas ftohjes së marrëdhënieve në mars për çështjen e zgjerimit të vendbanimeve izraelite në Jeruzalem.
Ndërkohë, të martën, qindra hebrenj ortodokse që i përkasin grupit Asra Kadisha, marshuan përpara Shtëpisë së Bardhë si shenjë proteste kundër vizitës Netanyahut. Sipas një deklarate për shtyp, protestuesit kundërshtojnë përdhosjen "e varrezave të lashta hebreje në Izrael".