Çmimi i Madh i Majemit/ Antoneli bën historinë, niset nga vendi i parë në Garën Sprint

Kimi Antoneli gjatë javës frekuenton shkollën e mesme në Bolonja ndërsa në fundjavë vendos rekorde të reja në botërorin e Formulës 1.

18-vjeçari ka fituar të drejtën për të nisur nga vendi i parë Garën Sprint të Çmimit të Madh të Majemit pasi përshkroi cirkutin në Florida me kohën 1:26.482. Italiani ka shtangur të gjithë kur me Mercedesin e tij ka lënë pas Oskar Piastrin dhe Lando Norris.