Cooper, ndërmjetësnga BE në dialogun Serbi-Kosovë

BEOGRAD-Zyra e shefes së politikës së jashtme të BE, Catherine Ashton, tashmë ka caktuar përfaqësuesin e saj, përkatësisht ndërmjetësuesin, i cili do të ulët pranë tryezës së dialogut midis Prishtinës dhe Beogradit.
Duke iu referuar burimeve diplomatike në Bruksel, gazeta beogradase Veçernje Novosti, shkruan se ky, sipas të gjitha mundësive, do të jetë Robert Cooper, bashkëpunëtor i Ashtonit për çështje ballkanike, i cili njihet fare mirë në Prishtinë.

Për momentin thuhet se ende po shqyrtohet formati i pjesëmarrjes së Washingtonit dhe se në këtë moment opsioni më real është që përfaqësuesi i Departamentit Amerikan të Shtetit të përfshihet nëpërmjet dhënies së ekspertizës dhe këshillave ekipit të Prishtinës.

Dialogu i Beogradit dhe Prishtinës do të zhvillohet në Bruksel në mars, ndërsa temat që do të hapen me gjasë do të jenë trafiku ajror, telekomunikacioni, kadastra dhe ndoshta çështja e të zhdukurve.

Nuk përjashtohet që në bisedime të marrë pjesë edhe përfaqësuesi i Kombeve të Bashkuara.

(d.b/Telegraf/BalkanWeb) Lidhje te tjera VIDEO: Be cakton Robert Copper ndërmjetësin e dialogut Prishtinë- Beograd