Shkon per furnizim me gjak ne QSUT, perplaset autoambulanca e maternitetit
Tirane-Nje autoambulance e maternitetit "Mbreteresha Geraldine", eshte perplasur mengjesin e djeshem me nje tjeter automjet, duke mbetur te plagosur, drejtuesi i saj dhe nje mami. Mesohet se ngjarja ka ndodhur mengjesin e djeshem rreth ores 03.10, kur ambulanca ishte nisur me urgjence drejt Qendres Spitalore Universitare "Nene Tereza", per t'u furnizuar me gjak, pas nje rasti shume te rende qe ishte paraqitur tek nje grua ne lindje. Ne kryqezimin e "Librit Universitar", nje automjet tip "BMW" fuoristrade, e cila ishte duke levizur me shpejtesi, i ka prere rrugen ambulances, duke lene te plagosur shoferin Njazi B, dhe mamine e maternitetit, Saide Shera. Nga kjo perplasje eshte aksidentuar edhe nje vajze qe ndodhej ne automjetin tip "BMW". Ndersa te plagosurit jane derguar me urgjence drejt Spitalit Ushtarak, mamia ndonese e plagosur, ka njoftuar policine per detyren per te cilen ishin nisur, furnizimin me gjak ne QSUT. Menjehere pas kesaj, njeri prej efektiveve te policise, eshte nisur me automjetin e tij privat drejt QSUT-se dhe ka marre sasine e gjakut, duke e transportuar ne maternitet. Policia ka ndaluar drejtuesin e automjetit "BMW", I dyshuar si shkaktar i ketij aksidenti. Ndersa burimet spitalore sqaruan se shendeti i te plagosurve eshte i mire.
L.K