Daçiç: O zbatim i marrëveshjeve, o s’ka Evropë
SERBI - Kryeministri i Serbisë, Ivica Daçiç deklaroi se Serbia duhet t’i zbatojë marrëveshjet e arritura me Kosovën në Bruksel, të cilat, sipas tij, janë të vështira për të., prandaj do të përpiqet që nëpërmjet punës së grupeve punuese t’i bëjë më të volitshme, sepse alternativë e kësaj do të ishte ndërprerja e integrimeve evropiane.
“Zgjidhje tjetër do të ishte t’i ndërpresim të gjitha integrimet evropiane, gjë që, natyrisht, është vendim i yni dhe askënd nuk do ta dëmtojë pos nesh”, iu tha ai gazetarëve në shënimin e ditës së Agjencisë ushtarake të sigurimit.
Duke folur për takimin e së mërkurës mbrëma me Hashim Thaçin, Daçiç theksoi se politika shtetërore sa i përket Kosovës nuk ka ndryshuar, por “Serbia ka filluar me lëvizje aktive, duke ofruar ujdi, sepse vetëm në atë mënyrë mundet më së miri t’i mbrojë interesat e veta”.
“Nuk do ta njohim pavarësinë e Kosovës me asnjë kusht. Nuk do të ketë lëvizje të njëanshme, e kjo do të thotë që nuk do të ketë as dhunë në Kosovë. Ky është qëllimi ynë, të ruajmë paqen dhe të mbrojmë interesave e serbëve në Kosovë”, sqaroi ai, transmeton Koha.
Sipas tij, rezultat pozitiv i asaj që qeveria e tij po bën në Bruksel për çështjen e Kosovës është fakti se sot në kryeqytetin e BE-së është mbajtur një takim i përfaqësuesve të tetë vendeve të BE-së, të cilat angazhohen që Serbia sa më parë të marrë datën e fillimit të negociatave për anëtarësim në BE.
(a.k/BalkanWeb)
“Zgjidhje tjetër do të ishte t’i ndërpresim të gjitha integrimet evropiane, gjë që, natyrisht, është vendim i yni dhe askënd nuk do ta dëmtojë pos nesh”, iu tha ai gazetarëve në shënimin e ditës së Agjencisë ushtarake të sigurimit.
Duke folur për takimin e së mërkurës mbrëma me Hashim Thaçin, Daçiç theksoi se politika shtetërore sa i përket Kosovës nuk ka ndryshuar, por “Serbia ka filluar me lëvizje aktive, duke ofruar ujdi, sepse vetëm në atë mënyrë mundet më së miri t’i mbrojë interesat e veta”.
“Nuk do ta njohim pavarësinë e Kosovës me asnjë kusht. Nuk do të ketë lëvizje të njëanshme, e kjo do të thotë që nuk do të ketë as dhunë në Kosovë. Ky është qëllimi ynë, të ruajmë paqen dhe të mbrojmë interesave e serbëve në Kosovë”, sqaroi ai, transmeton Koha.
Sipas tij, rezultat pozitiv i asaj që qeveria e tij po bën në Bruksel për çështjen e Kosovës është fakti se sot në kryeqytetin e BE-së është mbajtur një takim i përfaqësuesve të tetë vendeve të BE-së, të cilat angazhohen që Serbia sa më parë të marrë datën e fillimit të negociatave për anëtarësim në BE.
(a.k/BalkanWeb)