Daçiç: Nuk e sakrifikoj Kosovën për BE-në

Ndërsa në garën presidenciale në Serbi janë zyrtarizuar 8 kandidatë, njëri prej tyre Ivica Daçiç, lideri i Partisë Socialiste e Serbisë thotë se nëse do të bëhet president i Serbisë nuk do të lejoj që të tjerët të sakrifikojnë Kosovën dhe republikën e Serbisë për BE-në. Nga qyteti serb i Prokuple Daçiç iu ka bërë thirrje serbëve që ta mbështesin atë në zgjedhjet presidenciale, pasi sipas tij ai do ti shërbejë interesave kombëtare.
 

"Pse nuk tregojnë se a do të sakrifikonin Kosovën dhe Republika Serbisë nëse do të bëheshin president, nuk duan", tha Daçiç.
Ministri i brendshëm serb foli edhe për arrestimin e dy policëve kosovarë në kufij me Serbinë që ngjallën reagime të format të ndërkombëtarëve dhe Prishtinës zyrtare.
 

"Unë do të vazhdojë arrestimet e tyre për aq kohë sa ata mbajnë kërcënojnë rendin kushtetues të Serbisë. BE më ka bërë thirrje për ti liruar ata menjëherë dhe unë i thashë po kur ata të lirojnë serbët në Kosovë. Kjo është mënyra për të mbrojtur Serbinë dhe jo me lëshime të vazhdueshme dhe përulje", tha Daçiç.

Për zgjedhjet presidenciale të 6 majit në Serbi janë konfirmuar deri më tani 8 kandidatë, ndërmjet tyre edhe Ivica Daçiç, ish-zëdhënës i Sllobodan Millosheviçit, ka kthyer Partinë Socialiste në pushtet pas katër luftërave të përgjakshme.