Daja: Ta harrojne!

Per Ilir Dajen, ndeshja e sotme duhet kontrolluar mire, pasi avantazhi vertet qe u jep nje relaks te mire bluve, por ky relaks nuk duhet tepruar. Daja do te kete ne dispozicion edhe sherbimet e kroatit Bodrusic, qe ne ndeshjen e fundit me Skenderbeun, u duk se nuk do t'ia dilte mbane. "Fatmiresisht, grupi eshte i plote. Kam ne dispozicion edhe Bodrusic qe kunder Skenderbeut shfaqi probleme fizike. Partizani eshte nje ekip qe duhet vleresuar maksimalisht, sepse ne gjirin e tij ka elemente shume te mire, te afte te bejne diferencen", thote trajneri blu. Me pas, ai fokusohet te deklaratat e pas ndeshjes se pare, ku dinamovitet triumfuan 3-1. Ishte presidenti Xhani, qe mendoi t'i hidhte benzine zjarrit, por tani eshte Daja qe, ne rolin e zjarrfikesit, kerkon te evitoje gjithcka. "Dinamo do te degjenerohet? Une nuk dua dhe nuk mund te komentoj deklarata te tilla, qe nuk dalin nga stafi teknik. Stadiumi "Selman Stermasi" eshte njesoj me stadiumin "Qemal Stafa" dhe nuk e kuptoj perse i duhet hedhur faji fushes. Megjithate, ne nuk do te luajme ne mbrojtje. Ta harrojne. Nuk i druhemi kundershtarit dhe do te perpiqemi te bejme lojen tone me te mire", perfundon deklaraten trajneri i bluve, Ilir Daja.
- Edhe Bodrusic do te jete gati per formacionin blu. Duket se kroati i ka kaluar perfundimisht shqetesimet qe kishte gjate dy-tri diteve te fundit dhe do te jene te dispozicion te Dajes.
- Lojtaret dinamovite ishin krejt shend e vere. Ata shpesh thumbonin njeri-tjetrin me fjalet "degjenerim-degjenerate", fjale qe u perdor si batute nga presidenti i Partizanit, Albert Xhani