Debat ne Parlamentin grek per paktin me Tiranen
Athina zyrtare do te duhet shume shpejt te jape nje pergjigje rreth kerkesave te saj per rinegocimin dhe zgjidhjen e marreveshjes se shefit kontinental me Shqiperine qe eshte quajtur ne media si marreveshja e ujerave. E permendur se fundmi me rastin e vizites se sekretarit te pergjithshem te Ministrise se Jashtme greke Yannis-Alexios Zepos ne Tirane ajo pritet qe te zbardhet ne kuptim te synimeve greke nga titullaret e diplomacise se ketij vendi. Shkak per kete eshte kerkesa e deputetit te partise LAOS ne Greqi e cila permes deputetit te saj Joanis Korantis ka depozituar disa pyetje per ministrin e Jashtem Dimistris Droutsas. Korantis nje njeri me karriere specifike ne jeten institucionale greke ku bie ne sy detyra e drejtorit te Sherbimeve Sekrete ka marre shkas nga deklarimet e Presidentit te Shqiperise Bamir Topi per kete ceshtje ne Zerin e Amerikes e pikerisht ne ate pjese ku ky i fundit sugjeron si nje nga zgjidhjet adresimin e ceshtjes ne nje Gjykate Nderkombetare. A eshte njoftuar zyrtarisht qeveria greke per sa i perket ketij propozimi. Cilat jane qellimet e qeverise shqiptare dhe si do te reagohet lidhur me opinionin e shprehur nga Presidenti shqiptar thuhet nder te tjera ne kerkesen e bere ne daten 27 shtator. Ne perputhje me praktiken parlamentare Droutsas do te duhet te jape shpjegime per kete gje duke iu referuar permbajtjes se letres e cila zgjidh ne vetvete edhe disa pikepyetje qe jane bere te pranishme edhe ne mjedisin shqiptar. Keshtu ne mungese te transparences thuajse te plote per kete problem nga ana e institucioneve shqiptare pala greke duket se do te vihet ne levizje per te bere aktuale serish ceshtjen e shelfit me Shqiperine por edhe rruget qe do te ndiqen. Me kete rast paradoksalisht permbajtja dhe ecuria e diskutimeve me Tiranen zyrtare edhe nje here do te mberrije nga Greqia e cila po e trajton problemin perhere e me me shume vemendje. Duke u nisur qofte edhe nga deklarimet e Presidentit shqiptar por edhe nga ato qe vijne nga Greqia mund te mendohet se ne planin politik te dyja vendet po i afrohen serish nevojes per tu ulur ne bisedime te reja te cilat detyrimisht do te zhvillohen mbi premisa te reja. Vendimi i Gjykates Kushtetuese shqiptare lidhur me draftin e pare te marreveshjes ka bere nul edhe serine e koordinatave te negociuara te cilat do te duhet te rishikohen tanime nisur edhe nga zbatimi i metodave te tjera te percaktimit te shelfit. Kjo pasi shkeljet e konstatuara i bejne jehone edhe faktit te nje zbatimi jo oportun te metodes se matjes te bere ne rastin e pare konform Konventes se Detit. Situata e krijuar kerkon per pasoje negocim paraprak politik per te bere formale dhe ne klime mirekuptimi caktimin e koordinatave te reja qe mandej do te permbyllnin edhe fazen teknike te kufirit detar ujor dhe te platformes detare mes dy vendeve. Nje mundesi per te lexuar piken se deri ku kane arritur diskutimet mes dy vendeve e jep edhe kerkesa e Korantis qe prezantohet ne kete debat me kredenciale specifike qe nuk kane te bejne vetem me detyren e deputetit te Parlamentit grek.