Deco dëshiron të rikthehet në Brazil

Deco dëshiron të rikthehet në Brazil, aty ku e ka filluar karrierën si futbollist. Mesfushori brazilian, i natyralizuar në portugez, nuk ndien më dëshirë që të luajë në futbollin evropian, andaj ai pritet të kërkojnë nga Chelsea që ta shesë.

“Dëshiroj të rikthehem në Brazil. Më kanë mbetur edhe disa vite futboll në nivelin e lartë, por dëshiroj të jem afër fëmijëve të mi”, ka thënë Deco për tabloidin britanik The Sun.

“Kam kontratë edhe për një vit dhe gjithçka varet nga Blues. Nuk e kam zgjedhur ende ndonjë klub, por e di se ka arritur momenti për t’u rikthyer në shtëpi”, shtoi Deco.