Deklaratë për pavarësinë e veriut të Kosovës

Autorët e deklaratës ende nuk janë bërë të njohur, por mësohet se deklarata bëhet në emër të të ashtuquajturës “Bashkësi e Komunave të Krahinës Autonome të Kosovës dhe Metohisë”. Menjëherë ka ardhur reagimi i Beogradit zyrtar, që është distancuar nga deklarata. Sipas zyrtarëve serbë, autorët e deklaratës nuk ia duan të mirën serbëve të Kosovës.

Deklarata serbe i kërkon të ashtuquajturit Kuvend të Bashkësisë së Komunave të Kosovës dhe të Metohisë që të miratojë “vullnetin e lirë të qytetarëve serbë për pavarësinë e territoreve të komunave të krahinës autonome”. Sipas BBC-së, nxjerrja në qarkullim e një deklarate të tillë nuk mbështetet as nga Beogradi, as nga liderët politikë serbë të Kosovës. Por duket se ajo është parë me një dozë shqetësimi në Prishtinë.