Dekretet, nje jave kohe per vendim
Kuvendi ka nje jave kohe per te diskutuar dhe votuar mbi gjashte emrat e Presidentit te Republikes, Bamir Topi, per anetare te Gjykates se Larte, per t'i dhene fund funksionimit te ketij institucioni me anetare manget. Ne ditet e fundit te ketij sesioni parlamentar, deputetet do te marrin ne shqyrtim kandidatet qe kreu i shtetit ka sugjeruar per Gjykaten e Larte. Pas njoftimit te bere nga kryetari i komisionit, Fatos Beja te gjashte te perzgjedhurit e Presidentit do te raportojne para deputeteve mbi aktivitetin e tyre dhe eksperiencen ne kete fushe. Per kete ceshtje, Beja ka njoftuar personalisht pretendentet per t'u paraqitur e prezantuar veten ne Komisionin e Ligjeve. Keshtu, kete jave, ata do te degjohen ne komision, anetaret e te cilit do te bejne vleresimin nese jane ne perputhje me ligjin, plotesojne kriteret dhe a e meritojne apo jo marrjen e titullit anetar te Gjykates se Larte. Kjo procedure u percaktua ne ndryshimet e fundit qe pesoi rregullorja e Kuvendit. Gjashte jane emrat qe presidenti Topi zgjodhi mes 105 kandidateve. Kreu i shtetit firmosi per Arjana Fullanin, Aleksander Muskaj, Andi Celiku, Evelina Qirjako, Guxim Zenelaj dhe Majlinda Andrea per anetare te Gjykates se Larte. Emra qe do te marrin zyrtarisht statusin e anetarit te gjykates vetem pasi te marrin votat ne Kuvend.