Dekreti i Nishanit: Kuvendi i ri mblidhet në 9 shtator

Presidenti i vendit, Bujar Nishani ka dekretuar sot mbledhjen e legjislaturës së re të Kuvendit të  Shqipërisë.
Kuvendi i ri, dalë nga votat e 23 qershorit do të mblidhet në datën 9 shtator në orën 18.00. “Në mbështetje të nenit 67, pika 1 dhe nenit 93 të Kushtetutës së Republikës së Shqipërisë, Presidenti i Republikës, Bujar Nishani dekretoi mbledhjen e Legjislaturës së XIX të Kuvendit të Republikës së Shqipërisë, ditën e hënë, datë 9 shtator 2013, ora 18:00”- shkruhet ne dekretin e kreut te shtetit.