Del Piero : Na mungoi vetëm fitorja

Juventusi nuk fitoi dot as në ndeshjen ndaj Lazios duke bërë që debutimi i Alberto Zakeronit të mos ishte ashtu si do e dëshironte trajneri italian. Zonja vazhdon me krizën e saj ndërsa kapiteni Del Piero, autor i golit ndaj lacialëve shpreh gjithë hidhërimin e tij.
"Në dhomat e zhveshjes ishim të gjithë të zhgënjyer për mungesën e fitores në këtë ndeshje.Unë kështu do ta përcaktoja që na mungoi vetëm fitorja sepse mendoj se meritonim më shumë", shpjegon kapiteni i bardhezinjve.
"Duhet të përmirësohemi edhe më shumë dhe të kërkojmë të arrijmë deri te fitorja. Ne kemi detyrën që të mendojmë pozitivisht dhe se i kemi të gjitha mjetet për të bërë mirë dhe për të marrë fitore.Ne nuk lëshojmë dhe do të fillojmë të ringrihemi", ka shtuar Del Piero.