Deliu, i arrestuar me pare per droge

Nje dite pas vrasjes se dyfishte qe tronditi dje kryeqytetin, kane nisur te dalin edhe detajet e para mbi te kaluaren e viktimes kryesore te tij, 32 vjecarit Elton Deliu.

Top Channel disponon pamjet e nje aksioni te policise kohe me pare ku u arrestuan dy persona, te cilet kishin planifikuar nje atentat ndaj Deliut.

Nderkohe qe ne qershor te vitit 2006, Deliu ishte arrestuar nga policia ne nje aksion tjeter, kete radhe kunder droges e ku i jane gjetur 5 kilograme lende narkotike.

Por cuditerisht ai eshte liruar pak kohe me pas. Megjithese 32 vjecari prej asaj kohe i kishte shtuar masat rreth vetes per te mbrojtur jeten dhe familjen, duke qarkulluar me truproja, ekzekutimi i tij dhe i te emes Flutura Deliu ndodhi pikerisht ne banesen e tij.

Por policia dhe prokuoria, pavaresisht se pisten me te forte ka ate te perplasjeve mes grupeve te narkotrafikut, hetuesit nuk perjashtojne edhe nje piste tjeter akoma me te forte qe eshte ajo e hakmarrjes.

Per kete te fundit nuk jepen detaje per shkak se ende nuk jane mbledhur te dhena konkrete. “Ne po mbledhim te dhena dhe viktima na rezulton me precendente, kemi ngritur pista konkrete, por eshte ende heret per te folur”, thane per Top Channel pjesetare te grupit hetimor.

Nje nga precedentet qe policia i shmanget ta beje publike ne rruge zyrtare eshte pikerisht arrestimi ne 21 qershor 2006 i Elton Deliut se bashku me shokun e tij.

Ata u kapen ne Tirane me makinen e tyre luksoze, pas survejimit disa ditor ku per ta kishte informacione se operonin ne tregun e shperndarjes se drogave te forta.

Ne cilesine e proves, policia bllokoi rreth 5 kilograme lende narkotike dhe nje pistolete, por pas 12 oresh droga doli se ishte perzieres. Ne rrethana te paqarta dhe ne heshtje te ndaluarit fituan lirine nga gjykata.

Viktima se bashku me te emen jetonin ne nje pallat pas Presidences dhe mendohej se ruhej me masa sigurie private.

Ai u qellua ne shtepine e tij dhe u transportua ne gjendje te rende per jeten ne spital, por nuk i shpetoi dot vdekjes.

Ndersa e ema, sipas policise, ishte qelluar me nje plumb ne koke dhe dyshimi me i forte eshte se ekzekutimi i saj eshte bere per shkak se ajo ka qene deshmitare.

Por pika qe policia po sqaron eshte pikerisht fakti se 32 vjecari ua ka hapur vete deren vrasesve, cka te ben te mendosh se ai i njihte ata dhe nuk e priste vdekjen prej tyre.

AC_FL_RunContent( 'codebase','http://download.macromedia.com/pub/shockwave/cabs/flash/swflash.cab#version=9,0,28,0','width','580','height','99','src','flash/banner','quality','high','pluginspage','http://www.adobe.com/shockwave/download/download.cgi?P1_Prod_Version=ShockwaveFlash','movie','flash/banner' ); //end AC code