“Delta” Mali i Zi shtrëngon masat

Rritja e infektimeve nga virusi korona, për shkak të përhapjes në masë të variantit Delta, ka bërë që edhe Mali i Zi të shtrëngojë masat, veçantërisht në doganat hyrëse dhe dalëse.

Organet shëndetësore kanë njoftuar të premten ashpërsimin e masave për shtetasit shqiptarë dhe të gjithë ata që futen në Malin e Zi. Kështu, për të hyrë në vendin fqinj duhet certifikata e vaksinimit ose testi PCR.

Këto masa hyjnë në fuqi ditën e sotme dhe do të zbatohen deri më 10 shtator. Ndërkohë, të njëjtat kushte do duhet të plotësohen edhe për vendasit, në dasma, datëlindje, festa të tjera apo edhe ceremony mortore.